Blog
جودة المنتج تعتبر من العوامل المهمة و الأساسية في أي Business
وبتشكل أهمية كبيرة للجمهور.. في جمهور سبب شراؤه للمنتج هو جودة المنتج نفسه بغض النظر عن سعره
وجودة المنتج بتتكون من مجموعة من الخصائص المتعلقة بالمنتج واللي بتساهم في القدرة علي تلبية متطلبات معينة
وكمان بتلبي متطلبات المستخدم النهائي وعشان يكون المنتج ليه نوعية كويسة لازم يكون موثوق فيه ويأدي وظائفه كلها بكل سهولة
بيتم قياس جودة المنتج على حسب درجة المطابقة للمواصفات والمعايير المحددة
والابتعاد عن المعايير ديه بتخلي المنتج جودته بتكون ضعيفة
✅ المستخدم النهائي ” End User ”
بيكون ليه مسمي تآني وهو “ End – Customer ” وده بيكون المستهلك الحقيقي للمنتج أو الخدمة اللي بتقدمها بمعني أصح هو بيكون آخر مرحلة من مراحل دورة المنتج
✅ وظيفة عمل ” Business Function “
بتكون عملية بيتم تنفيذها بشكل دوري عشان تقدر تحقق جزء من رسالة الشركة
وبيتم توجيه وظيفة العمل عن طريق نتائج الأعمال المستهدفة.. وده بيحتاج قادة الإدارات انها تبني التحول التكنولوجي عشان بكون في استفادة قصوى من بياناتهم
✅ هندسة الجودة ” Quality Engineering “
هو التخصص الهندسي اللي بيتعامل مع تحليل نظام التصنيع في جميع المراحل
عشان يقدر يحسن جودة عملية الإنتاج ومخرجتها
وبتركز هندسة الجودة على أنها تتأكد من تصميم السلع والخدمات وتطويرها
عشان تقدر تلبي متطلبات المستهلكين
وعشان يتم التأكيد من أن المنتجات بيتم تصنيعها وفقاً للمواصفات المحددة
✅ بيت الجودة ” House Of Quality “
وليه مسمى تآني وهو ” Product Planning Matrix ” وهو يعتبر أداة رسمية بتشبه البيت وبتستخدم كجزء من نشر وظيفة الجودة “ QFD “
واللي بتستخدم عند تخطيط وتصميم المنتجات الجديدة عن طريق جمع المعلومات على كل اللى بتحتاجوا العملاء بالظبط
✅ سياسة الجودة ” Quality Policy “
وديه بتعتبر سياسة محددة بتختص بمجال لإدارة جودة المشروع ” Project Quality Management “
واللي بيتم من خلالها تحديد المبادئ التوجيهية والأساسية اللي بتتحكم في إجراءات المنظمة عند تنفيذها النظام الإداري للجودة المختص بيها
وعادة يعني ما بتعتبر سياسة الجودة وثيقة غير قابلة للتغيير
وبتكون بمثابة الأساس لوضع خطة إدارة جودة المشروع
✅ منتج التسوق ” Shopping Product “
وده بيكون المنتج اللي بيتطلب من المستهلك إنه يدور عليه بالاسم ويقارنه بالمنتجات التانية
و ده بينقسم لنوعين : منتج متجانس ” Homogeneous Product ” ومنتج غير متجانس ” Heterogeneous Product “
بحيث بيشير المنتج المتجانس للمنتج اللي ماتقدرش تميزه عن المنتجات المنافسة ” Competing Product ” طبعا مع اختلاف مورديها لإنه نفس الخصائص
✅ متطلب الجودة ” Quality Requirement ”
بيكون الشرط أو الصفة اللي بيتم استخدامها لتقييم مدي توافق المشروع
وده من خلال التحقق من مدى قبول الصفة أو خاصية معينة بترتبط بخاصية معينة مرتبطة بجودة المنتج
وكمان بتحدد توقعات العميل للجودة المطلوبة توافرها في المنتج أو الخدمة النهائية وفي العمليات الداخلية
✅ إدارة جودة المشروع ” Project Quality Management ”
هي العمليات والأنشطة اللازمة اللي بتحدد جودة المشروع
وديه تعتبر جزء لا يتجزأ من إدارة المشروع وبتشمل العمليات والأنشطة اللي بتحدد سياسات الجودة والأهداف و المسؤوليات اللازمة لضمان متطلبات المشروع
وده بيتم من خلال التركيز على جودة المخرجات بالإضافة للتركيز على الوسائل والطرق اللي بيتم اتباعها عشان يتحقق كل ده
✅ دليل الجودة ” Quality Manual ”
وديه بتكون وثيقة رسيمة بتنشأها الشركة التجارية وبتوضح فيها بالتفصيل إزاي تعمل نظام إدارة الجودة ” Quality Management System ” الخاص بيها
غير إنها بتكون عندها أهداف الجودة ” Quality Objective ” و سياسة الجودة ” Quality Policy ” الخاص بيها بالإضافة للوصف التفصيلي لنظام مراقبة الجودة
✅ أدوات إدارة وضبط الجودة ” Quality Management and Control Tools ”
وهي الأدوات والأساليب اللي بتستخدمها في عملية أداء ضمان الجودة ” Perform Quality Assurance ” وضبط الجودة ” Control Quality “
وهي الأدوات اللي بنستخدمها في ربط وترتيب مجموعة من أنشطة المشروع المحددة
✅ الجودة الثابتة ” Static Quality ”
هي الجودة اللي بتتصف بيها المنتجات أو الخدمات اللي بتقدمها المؤسسة في الوقت الحالي وبتسعي إنها تحافظ عليها عن طريق الإستمرار في تنفيذ الإجراءات أو الممارسات الحالية اللي بتقوم بيها
كمان ممكن من خلال الحفاظ على فاعلية نظام الجودة اننا نحافظ على الجودة.” Quality System“
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني