Blog
ما هي اتمتة التسويق الـ ” Marketing automation” ؟
- يناير 6, 2024
- Posted by: admin
- Category: Uncategorized
ما هي اتمتة التسويق الـ ” Marketing automation” ؟
فكرة اتمتة التسويق او ” Marketing automation” هي مش فكرة جديدة أو مصطلح جديد لسه معروف.
لأ, هي الفكرة بدأت في الظهور في ثمانينات القرن الماضي, لكن البداية الحقيقة كانت سنة 1992م, لأن وقتها كانت فكرة التسويق الآلي مقتصرة على الشركات العملاقة واللي ليها قاعدة عملاء كبيرة, لأنها كانت وقتها تعتبر من التكنولوجيا الحديثة اللي سعرها عالي.
لكن في الوقت الحالي ومع التطور التكنولوجي وزياد ة اهتمام الناس بالـ ” Digital Marketing” , الاهتمام والاعتماد علي الـ ” Marketing automation” زاد اكتر ودة يرجع نتيجة ظهور كتير من منصات الـ Marketing automation.
وده علشان يقدروا يحسنوا مشاريعهم, وفي 2018 وصل لـ 49% من الشركات بقت تستخدم الـتسويق الآلي.
لكن ايه هي اتمتة التسويق او التسويق الآلي ده اللي هنعرفه خلال السطور القادمة.
ماهي الـ اتميتة التسويق.
نظم أتمتة التسويق هي عبارة عن منصات برمجية عشان تبسطلك الحاجات اللي بتاخد وقت طويل في عمليات التسويق والمبيعات.
لأنها بتمكنك آلياً من تحديد جمهورك المستهدف وتصميم المحتوى بناءاً على سلوك جمهورك.
طب المهام اللي بيقوم بيها اتميته التسويق زي ايه مثلاً:
_ زي انه يتابع الحاجات المتكررة اللي ليها علاقة بالحملات الإعلانية.
_ التسويق من خلال البريد الإلكتروني ” يبعت رسائل للعملاء آلياً” .
_ حملات التسويق الالكتروني على منصات التواصل الاجتماعي.
وعن طريق التبسيط ده اللي بيعملهولك الـتسويق الآلي هتكون قادر علي انك تبني علاقة شخصية مع عملائك وعدد كبير جدا من العملاء دول.
عشان كدا بيكون من اهم اهداف الـ Marketing automation انه يقدملك المحتوى المناسب والوقت المناسب للعملاء المناسبين وده بالتالي هيعزز ثقتهم في الـ Brand بتاعك.
يعني الـ Marketing automation مرتبطة ارتباط كامل بـ الحملات الإعلانية, زي الزرعة الحملة الاعلانية هي البذرة والـ Marketing automation هو المايه اللي بتسقي البذرة دي, عشان تنمو وتطلع ثمارها وتجني نتيجتها في الاخر.
ايه هي المزايا اللي بتقدمها أتمتة التسويق؟
بتوفر أتمتة التسويق كتير من المميزات القياسية اللي بيزيد 20 ميزة, وفي حين أن المزايا دي مفيدة بالتأكيد, لكن الميزة الحقيقة للتسويق الآلي هو انك تقدر تدمج المزايا دي مع بعضها عشان تساعدك في تنظيم نهج موحد عشان تقدر تستهدف العملاء بتوعك.
ايه هي المزايا الأكثر شيوعاً بين منصات التسويق الآلي.
1_ رسائل البريد الإلكتروني:
كل أنظمة التسويق الآلي بتحتوي على أتمتة رسائل البريد الإلكتروني اللي تساعد على إرسال رسائل بالمحتوى مختلف ليه علاقة بالجمهور المستهدف سواء كانت الرسائل دي اخبارية او اعلان جديد.
2_ إدارة علاقات العملاء الـ CRM:
إدارة علاقات العملاء هي إدارة لكل علاقات شركتك وتفاعلها مع العملاء الحاليين والمحتملين, وبيكون الهدف منها تحسين العلاقات التجارية وكمان مساعدة الشركة انها تكون علي اتصال مع العملاء, عشان تحقق أقصى استفادة من التسويق الآلي.
3_ إنشاء ملف تعريفي للعملاء:
ودي من اهم مزايا التسويق الآلي, ودي كانت من الحاجات اللي بتاخد وقت طويل ولكن التسويق آلي سهلها عن طريق أن العميل اللي بيزور الموقع بيملئ النموذج التعريفي عشان المسوق يقدر يجمع المعلومات عنه و يستفاد منها.
4_ تثقيف العملاء المحتملين Lead Nurturing
ودي محاولة في الحفاظ على العملاء المحتملين اللي ليهم اهتمامات بالخدمات اللي بتقدمها الشركة.
5_ إدارة وسائل التواصل الاجتماعي
توفر منصات اتمتة التسويق إمكانية إدارة وسائل التواصل الاجتماعي وده عن طريق موقع مركزي واحد بيوفر جدولة المنشورات.
و زي ما كل حاجة ليها مميزاتها وفوائدها ليها كمان سلبياتها.
من سلبيات التسويق الآلي:
1_ المراسلة الزائدة عن الحد.
2_ التكلفة المرتفعة لأدوات التسويق الآلي.
3_ إلغاء الطابع الشخصي لـ علامتك التجارية.
ده كان جزء مختصر قدمناه ليك عن الـ Marketing automation.
تابعنا علي موقعنا الالكتروني: موقعنا الالكتروني أو من خلال صفحتنا علي الفيسبوك: الفيسبوك