Blog
النهارده هكلمك عن مصطلحات التسويق الإلكتروني
زي ماحنا عارفين إن التسويق الإلكتروني عبارة عن بحر واسع مالهوش آخر
و زي البحر ده ما فيه كائنات كتير و كل كائن و ليه حياته و مواصفاته و طباعه .. التسويق الإلكتروني برضو مليان بالمصطلحات و الخطط التسويقية المختلفة و الإستراتيجيات
و بالكلام عن المصطلحات .. ناس كتير في المجال و برة المجال ماتعرفش مصطلحات كتير في التسويق الإلكتروني و ده بيسببلهم عوائق و مشاكل كتير في شغلهم
علشان كده أنا النهارده جي أعرفك علي أهم مصطلحات التسويق الإلكتروني
1- الـ Inbound Marketing
الـ Inound Marketing هو عبارة عن إستراتيجية كاملة حديثة هدفها التسويق للمنتج أو للخدمة بكل الطرق الحديثة المواكبة للعصر
زي مثلاً ( الـ Blogs أو المدونات – و وسائل التواصل الإجتماعي – Content مميز يشد إتباه العميل – الـ E-mail )
يعني من الآخر الـ Inbound Marketing هو التسويق للمنتج أو للخدمة بطرق التسويق الحديثة
2- الـ Outbound Marketing
هو طريقة التسويق التقليدية و القديمة .. أو التسويق الـ Offline
و بتعتمد في الـ Outbound Marekting علي أدوات التسويق الـ Offline زي مثلاً الراديو أو الـ Banners إللي علي الطريق
كمان مبدأ الـ Outbound Marketing إن كل ما زاد عدد الناس إللي بتشوف الإعلان زاد عدد البيع
و تقدر تعرف أكتر عن الـ Inbound Marketing و الـ Outbound Marketing من خلال الـ Blog Post دي
3- الـ SMN
هو إختصار لـ Social Media Network
و هي منصات التواصل الإجتماعي .. و إللي هم ( Facebook – Whatsapp – Instagram – YouTube – LinkedIn – Twitter -Snapchat ) وغيرهم
4- الـ SMM
هو إختصار لـ Social Media Marketing و هو التسويق للمنتج أو الخدمة عن طريق منصات التواصل الإجتماعي إللي إتكلمنا عنها
و التسويق هنا بيبقي عن طريق حملات تسويقية هدفها تفاعل الجمهور المستهدف أو زيادة عمليات البيع و الأرباح
5- الـ SEO
الـ SEO من أهم مصطلحات التسويق الإلكتروني و الأكثر تداولً في مجال التسويق الإلكتروني
الـ SEO هو إختصار لـ Search Engine Optimization و هو عبارة عن تهيئة الـ Website للظهور بشكل أحسن في محركات البحث في Google
و ده بيتم عن طريق عدة عوامل و خطوات معينة بتعملها بدقة
6- الـ SEM
و هو إختصار لـ Search Engine Marketing و هو التسويق عن طريق Google
بمعني أصح هو إعلانات Google إللي الهدف منها بيبقي البيع أو زيادة عدد الزوار علي الـ Website
7- الـ SERP
إختصار لـ Search Engine Results Pages
و هو نتائج الصفحة الأولي في محركات البحث في Google
8- الـ Lead Generation
هو عملية زيادة عدد الجمهور المهتم بالمنتج أو الخدمة من حملات تسويقية بإستراتيجيات و إستهداف دقيق للجمهور من خلال العمر أو المناطق الغرافية أو الديموغرافيات غيرهم من وسائل الإستهداف
9- الـ B2B
هي إختصار لـ Business to Business
المقصود منها هي عملية بيع أو تعامل بتتم بين شركتين .. من شركة للتانية
10 – الـ B2C
إختصار لـ Business to Customer
هنا عملية البيع بتكون من شركة لمستهلك أو لشخص عادي
11- الـ CPC
هي إختصار لـ Cost Per Click
و المصطلح ده بيبقي في الإعلانات إللي بتعملها و هو خاص بالتكلفة بتاعة الإعلان
كمان بتكون التكلفة من خلال الضغط علي الإعلان
12- الـ CPI
إختصار لـ Cost Per Impression
و المصطلح ده بيبقي خاص بإعلانات الـ Facebook و بيعبر عن تكلفة الإعلان .. و التكلفة هنا بتبقي علي حسب مرات ظهور الإعلان علي الجمهور
بيتم حساب التكلفة هنا لكل 1000 مرة ظهور
13- الـ CPA
هنا دي إختصار لـ Cost Per Action
و برضو المصطلح ده خاص بالتكلفة .. بس المرة دي بتبقي علي حسب الـ Action إللي بياخدها العميل مع الإعلان .. أياً كانت إيه هي
14- الـ CTR
المصطلح ده إختصار لـ Click Through Rate
و هو عبارة عن نسبة ظهور الإعلان مقارنة عدد مرات الضغط علي الإعلان
علشان كده لو الـ CTR نسبته عالية .. ده بيدل علي إن الإعلان ناجح
15- الـ CR
هو إختصار لـ Conversion Rate
و هو عبارة عن عدد الناس إللي ضغطو علي الإعلان و علشان فعلاً يشتروا المنتج و بيكون بالنسبة
16- الـ ROI
هي إختصار لـ Return On Investment
و هي نسبة العائد من الإستثمار
بمعني أصح .. الإعلان ده إتصرف عليه قد إيه و إنت كسبت منه قد إيه
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing