Blog
أخطاء لازم تتجنبها في الـ Digital Marketing
- يونيو 11, 2022
- Posted by: admin
- Category: Uncategorized
الـ Digital Marketing هو فرع من فروع التسويق و إللي بيهتم بالتسويق و إستهداف الجمهور و زيادة وعيهم بالعلامة التجارية عن طريق الـ Social Media
و الـ Digital Marketing في الفترة الأخيرة إنتشر و بقي جزء أساسي في مجالات أي شركة
طيب الـ تسويق إلكتروني مجال زي أي مجال و فيه أخطاء لازم تتجنبها أثناء شغلك عليه
تعالي أقولك إيه هي الأخطاء دي
1- إن إنت مايبقاش عندك Blog
الـ Blog جزء مهم جداً من رحلتك مع الـ تسويق إلكتروني
طيب إيه هي الـ Blog أصلاً ؟!
الـ Blog هي المدونة إللي بترفع عليها شغلك و كمان بترفع عليها Blog Posts ( مقالات ) بتفيد من خلالها جمهورك بمعلومات و بتضيف ليهم Values كتير بتحل ليهم من خلالها مشاكل بتواجههم أو بتجاوب من خلالها علي أسئلة مش عارفين حلها .. بالظبط زي المقالة إللي بتقرأها دلوقتي كده
و لمعلوماتك .. في قاعدة في التسويق إسمها ( قاعدة الـ 20 80) .. القاعدة دي بتقول إن شغلك لازم يكون 20% منه بيعي و 80% منه قيمة أو Values بتقدمها لجمهورك
طيب عرفنا إيه هي الـ Blog .. إيه الفايدة منها ؟!
طبعاً لما تضيف لجمهورك Values كتير و تزودهم بمعلومات و إجابات و خطوات ماكانوش يعرفوها
هم بالنسبة ليهم الكلام ده إنت بتقدمه ليهم For Free
لكن بالنسبة ليك إنت بتكسب .. بتكسب أولاً ثقتهم فيك .. يعني لو مخيرين بينك و بين كنافسين ليك هيختاروك إنت
ثانياً نسبة إنهم ياخدوا معاك Action كمان بتزيد
و غير كده حجم جمهورك هيزيد و ده لإنهم هيرشحوك للي يعرفوهم
2- إن إنت تتجاهل الـ Social Media
و طبعاً ده أكبر خطأ ممكن تقع فيه
لإن الـ تسويق إلكتروني مايبقاش تسويق إلكتروني من غير الـ Social Media
لإن زي ماقولتلك فوق هو أصلاً التسويق و إستهداف الجمهور و زيادة وعيهم بالعلامة التجارية من خلال الـ Social Media
و غير كده .. الـ Social Media العالم كله بيستخدمها و جمهورها كبير جداً
علشان كده ماينفعش تسيب الأعداد دي كلها و تتجاهلهم و ترجع تقول أنا جمهوري قليل أو مش لاقي جمهور أصلاً !
و لازم إهتمامك الأول يكون بالـ Social Media و جمهورها
3- إنك تنسي مستخدمين الـ Mobile
مابقاش في دلوقتي حد بيستخدم الكمبيوتر في الـ Browsing .. كان زمان و مابقاش موجود دلوقتي
و كله دلوقتي بقي يستخدم الـ Mobile لإنه أسهل و أسرع
طيب إنت إزاي ممكن تنسي مستخدمين الـ Mobile ؟!!
هقولك إزاي .. إن إنت تنساهم من ناحية الـ Website
يعني مثلاً سرعة الـ Website ماتهتمش بيها علي الـ Mobile و يكون بيحمل ببطئ
و كمان مقاسات الـ Designs الخاصة بيك علي الـ Website ماتكنش بنفس المقاسات المطلوبة علي الـ Mobile
و طبعاً ده لإن المقاسات علي الكمبيوتر مختلفة عن مقاسات الـ Mobile و علي الـ Social Media نفس الكلام
4- إنك ماتعملش خصومات و عروض لجمهورك
أنا وإنت عارفين كويس جداً إن الناس ممكن تشتري حاجة مكانتش مخططة إنها تشتريها علشان بس عليها عرض أو خصم معين
و علي فكرة ده مش مجرد كلام .. دي دراسة عملتها Retail Me Not
غير كده ناس كتير بتدور علي إللي سعره أقل أو عروضه و خصوماته مجزية ليهم
و لما إنت تبقي دايماً بتعمل لجمهورك عروض و خصومات ثقتهم فيك برضو هتزيد و هتبقي إنت الأول في مجالك في تفكيرهم
5- إنك ماتعملش الـ Keywords Research
الـ Keywords هي السبب الأساسي في إن الجمهور يلاقيك علي Google
لإن الـ Keywords هي الكلمات البحثية الخاصة بيك وبمجالك و إللي مجرد ما الجمهور يكتبها في الـ Search في Google بيظهر الـ Website الخاص بيك في أول نتائج البحث
علشان كده لازم تعمل Keywords Research و تعرف إيه هي أهم الكلمات البحثية الخاصة بمجالك و الـ Searchable و عليها Traffics عالية و تستخدمها و تحطها في الـ Website الخاص بيك