Blog
الـ Facebook Campaigns من أهم الوسائل الترويجية و أكتر إستخداماً
و الـ Facebook Campaigns ليها أكتر من نوع و كل نوع مختلف عن غيره في تفاصيله و أهدافه و وقت إستخدامه
و لو إنت من الناس إللي بتخش تعمل حملة إعلانية علي الـ Facebook و دايماً تختار هدف الحملة Messages .. يبقي إنت غالباً من الناس إللي ماتعرفش باقي أنواع الحملات الإعلانية دي هدفها إيه ولا تستخدمها إمتي !!
الـ Facebook Campaigns Objectives هي 11 نوع ، و هم :
1- الـ Brand Awareness
و النوع ده بقي بتختاره لما تكون لسة بتبدأ الـ Brand الخاص بيك و عايز تعرف النهاس إنت مين و بتقدم إيه
و النوع ده مش هدفه البيع خالص .. هدفه الوصول لعدد أكبر من الناس علشان تعرفهم عليك عن طريق تكرار ظهور إعلانك علي الجمهور المستهدف علشان تثبت في دماغهم
2- الـ Reach
شبيه برضو بالـ Brand Awareness بس الهدف فيه هو وصول إعلانك لعدد أكبر من الجمهور المستهدف
و الوصول بيختلف تماماً عن الظهور … لإن الظهور يعني إعلانك ممكن يتكرر علي نفس الشخص كذا مرة
3- الـ Traffic
و النوع ده بيكون هدفه هو زيادة الزيارات ( الـ Traffics ) للـ Website الخاص بيك
4- الـ Engagement
النوع ده بقي ناس كتير بتستخدمه و بيكون علي حسب المجال و هدفه من الإعلان ده او بمعني أصح هو عايز إيه
5- الـ App Installes
و ده الهدف منه لو إنت عامل App علي الـ Play Store أو App Store و عايز تروجله
6- الـ Video Views
و ده الهدف منه إنك تزود عدد الـ Views علي الفيديو الخاص بيك
7- الـ Lead Generation
النوع ده بقي مفيد و مناسب ليك جداً لو إنت محتاج تجمع معلومات عن الجمهور المستهدف
8- الـ Messages
نيجي بقي للنوع الأشهر علي الإطلاق .. النوع إللي هدفه هو تجميع عدد أكبر من رسائل العملاء .. و ده مناسب أكتر للبيع المباشر
9- الـ Conversions
النوع ده بقي هو هو نفس نوع الـ Traffic بس هنا إنت بتتحاسب لما العميل ياخد أي Action جوة الـ Website
10- الـ Catalogue Sales
لو إنت عندك Shop و شغلك معتمد علي المنتجات إللي عندك .. و عندك أكتر من منتج بأنواع مختلفة
يبقي النوع ده مهم و مناسب ليك .. لإن هدفه هو عمل Catalogue لمنتجاتك و البيع من خلاله
11- الـ StoreTraffic
لو إنت عندك Offline Store .. النوع ده بقي بيبقي هدفه هو توصيل الجمهور للـ Store الخاص بيك عن طريق الـ Directions
بعد ما عرفت أنواع الـ Facebook Campaigns و أهداف كل نوع فيهم إيه
كل إللي عليك إنك تركز قبل ما تبدأ في حملتك الإعلانية و تحدد إنت هدفك إيه من الحملة الإعلانية دي ، علشان تعرف تختار النوع المناسب لحملتك الإعلانية
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing