Blog
عمرك سمعت عن الـ Field Marketing
مش في مرة و إنت في ماشي في الجامعة أو في الشارع في الميادين العامة كنت بتلاقي حاجة زي ( كشك ) صغير كده بـ Shape معين و عليه Logo لـ Brand معين و في كام شاب و شابة واقفين بيبيعوا منتجات الـ Brand ده أو خدماته … و بيبقي في عروض و ساعات بيبيعوا ببلاش علشان يجيبوا عملاء أكتر ؟
طيب عمرك سألت نفسك إيه هو ( الكشك ) ده ؟
و ليه Brands ممكن تعمل حاجة زي دي في أماكن عامة ؟
أحب أقولك إن ده نوع من أنواع التسويق إسمه Field Marketing أو التسويق الميداني
و أنا النهارده جي أعرفك إيه هو الـ Field Marketing و إيه هي مميزاته و مين بالظبط إللي بيستخدمه
– إيه هو الـ Field Marketing ؟
الـ Field Marketing هو فرع من فروع التسويق
و بيكون فيه الـ Brands بتعرض منتجاتهم قدام الناس في الميادين العامة أو الحرم الجامعي
وبيعملوا عروض مغرية علي منتجاتهم و كمان ممكن يبيعوا ببلاش علشان يجيبوا عملاء أكتر
و أهداف الـ Field Marketing متنوعة و مختلفة من Brand للتاني
بس الهدف الأساسي المشترك بينهم كلهم هو الوعي بالعلامة التجارية ، و كمان زيادة عمليات البيع في المناطق المستهدفة و زيادة المشاركة و التفاعل مع الـ Buying Communities المحلية
– إيه هي أنواع الـ Field Marketing ؟
1- العروض التوضيحية للمنتج ( Product Demonstrations )
العروض التوضيحية للمنتج هي النوع الأكثر إستخداماً في الـ Field Marketing ، و بتنقسم لنوعين
النوع الأول بيكون بالنسبة للعلامات التجارية الخاصة بالأطعمة و المشروبات
و في النوع ده بيقدم الـ Brand هدايا و عروض علي المنتج بتاعه للناس و كمان بيقدملهم المنتج مجاناً و بيعرفهم أكتر بالمنتج و بيعرفهم محتوياته و بيرد علي كل الأسئلة إللي بتتسإل من الناس علي المنتج ده لهدف المعرفة بالمنتج أكتر
كمان النوع التاني بيكون بالنسبة للسلع الغير إستهلاكية
و المسوقين بيكون هدفهم هنا يزودوا المعرفة و الوعي بالمنتج عند العملاء
و بيزيدوا من خبرتهم بالمنتج و يعرفوهم إزاي يستخدموه
2- البيع المباشر ( Direct Selling )
و النوع ده بيعتمد علي بيتضمن مندوبين المبيعات الخاصين بالـ Brand و إللي بيبيعوا المنتج للعملاء مباشرةً في مكان التفاعل
3- تسويق حرب العصابات ( Guerrilla Marketing )
الـ Guerrilla Marketing إتسمي بحرب العصابات لإن في حرب العصابات إنت دايماً مش متوقع إيه إللي ممكن يقدمه الخصم و دايماً في أحسن و غير متوقع
علشان كده إتسمي بالإسم ده علشان دايماً يخلي المبدعين مالهمش سقف لإبداعهم و دايماً في جديد و أحسن في طرق تسويقهم و إعلاناتهم للمنتجات
و برضو نسبةً للحملات الإعلانية إللي بتستهدف المستهلكين بطرق و مواقع غير متوقعة خالص
و الـ Guerrilla Marketing إسلوب حلو جداً و مميز و مؤثر من أساليب و أنواع الـ Field Marketing
لإنه بيوضح مدي أهمية المنتج ليك و قد إيه إنت محتاجه بس بصورة بسيطة و سهلة و شارحة للمتنج
– التسويق الميداني و السويق التقليدي
كلنا عارفين إن التسويق التقليدي هو التسويق عن طريق التلفزيون أو الجرايد و المجلات أو الـ Banners إللي في الشارع
طيب هو إيه علاقته بالـ Field Marketing ؟
أحب أقولك إن في علاقة مهمة و قوية بتربطهم ببعض لإن كل واحد فيهم بيكمل التاني
و ده لإن الـ Field Marketing مش Campaign يقدر الـ Brand يعتمد عليها لوحدها في الترويج لمنتجه
و لكن هي جزء أساسي مايقدرش الـ Brand إنه يستغني عنها من ضمن حملات تسويقية تانية كلها بتحصل مع بعض و بتكمل بعض
هقولك مثال يفهمك العلاقة بينهم عاملة إزاي
في ماتش كورة شغال و ناس بتتفرج عليه في مول مثلاً
و بين الشوطين الناس شافت إعلان للـ Brand الراعي الرسمي للفرقتين أو الماتش ده و ده الجزء الخاص بالتسويق التقليدي
و لما الناس قامت بين الشوطين أو بعد الماتش و ماشية
شافوا مكان في المول ده بيعرض المنتج الخاص بالـ Brand إللي شافوه في الإعلانات فقرروا إنهم يروحوا و يشوفوه عن قرب و يجربوه بنفسهم .. و ده الجزء الخاص بالتسويق الميداني
و بكده تكون حملتين تسويقيتين حققوا هدفهم في نفس الوقت و كملوا بعض
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ تسويق إلكتروني