Blog
سمعت عن الـ Instagram SEO قبل كده ؟!
أيوا أيوا ، هو الـ SEO بتاع Google بس المرة دي للـ Instagram
أنا بقي جي النهاردة أقولك إن الـ Instagram Account بتاعك ممكن تشتغل عليها SEO زيه زي الـ Website بتاعك باظبط
بس بشوية شروط و Tricks كده ، طب بقولك إيه .. ما تيجي نشوف
بص يا سيدي ، مبدأياً كده واحدة واحدة ، إيه هو الـ Instagram SEO و تشتغل عليه إزاي ؟!
الـ Instagram SEO بينقسم لجزئين
– الأول و On-Page SEO
و الـ On-Page SEO ده بيشير للـ Optimizations إللي بتعملها علي صفحتك علي الـ Instagram
زي مثلاً إنك تستخدم الـ Keywords الخاصة بمجالك في الـ Bio بتاعك علي صفحتك
أو إنك تضيف Hashtags مناسبة و ليها علاقة بمجالك في الصور إللي بتنزلها ، و هكذا
– و التاني و هو الـ Off-Page SEO
و هنا بيشير للـ Optimizations إللي بتعملها بس خارج الـ Instagram علشان تعلي الـ Reach بتاعك علي الـ Instagram
زي مثلاً إنك تضيف الـ Instagram Link بتاعك في Websites و Platforms تانية علشان تجيب زيارات مجانية ليك
و الأتنين مهمين جداً علشان تزود الـ Followers علي الـ Instagram الخاص بيك
بس إحنا النهارده هنتكلم عن الـ On-Page أكتر
– طيب إيه الفرق بين الـ Instagram SEO و الـ SEO العادي
قبل ما أكلمك عن الـ Instagram SEO و تستعمله إزاي ، لازم تعرف إيه الفرق بينه و بين الـ SEO العادي و إيه هي الـ Tricks إللي تستعملها
الـ SEO العادي هو إنك تشتغل علي الـ Website الخاص بيك علشان تعلي مرتبتة أو تعلي ترتيبه في محركات البحث و يجيليك Traffics أكتر ليه
و ده بتعمله عن طريق حاجات كتير زي إنك تستخدم الـ Keywords المناسبة أو إنك تعمل Backlinks تزود برضو من خلالها الـ Traffics
أكتر من حاجة تعملها في بحر الـ SEO إللي مابيخلصش
و معلومة ليك بس إنت أكيد عارفها
الـ Search إللي بتعمله في Google بيطلعلك نتائج مش بس في Google ، لأ ده في Social Media Platforms
يعني معني كده إن محركات البحث في Google ليها علاقة بزيادة الـ Reach الخاص بيك علي أي Platform تانية
إنما بقي في الـ Instagram SEO ، زي ما قولتلك فوق كده ، هو بيعتمد إعتماد أكتر علي إختيارك للـ Keywords الصحيحة
سواء كانت في الـ Bio أو في الـ Hashtags
– طيب إيه الخطوات إللي تعملها علشان تحسن من الـ Instagram SEO الخاص بيك ؟
1- الإهتمام
الإهتمام هنا هو إنك تهتم باللي بيهتم بيه السوق المستهدف
أبسطهالك ، شوف جمهورك بيبحث عن إيه في الـ Instagram و إستخدم الكلمات البحثية في الـ Bio و الـ Hashtags
اه صحيح بمناسبة الـ Bio ، تعرف إنك بتظهر للناس مش بس لما يكتبوا إسمك في الـ Search
لأ ده كمان لما يكتبوا الـ Keyword إللي إنت مستخدمها في الـ Bio الخاص بيك ، يعني الـ Bio ده جزء لا يتجزء من الـ Instagram SEO
نهتم بالـ Bio بقي ؟ ، نهتم بالـ Bio
2- خليك منظم
منظم في مواعيدك في نشر الصور ، إعمل Schedule و إمشي عليه بإنتظام
لو كنت عشوائي و من غير Schedule ، هتخسر ناس كتير من الـ Follwers بتوعك ، اه ماتستغربش
3- خليك دقيق في الـ Captions
الـ Caption بالنسبة للـ Instagram SEO هو فرصة مهمة جداً لترقية الـ Instagram Account الخاص بيك في محركات البحث
و لازم لازم لازم تستخدم فيه الـ Relevant Keywords
علشان الناس لما تيجي تعمل Search بالـ Keywords دي مين إللي هيظهرلهم ؟
بالظبط كده
4- و آخر حاجة ، خليك حقيقي مش Fake
يعني خليك إنسان ، مش لازم الناس تحس إنها بتكلم آلة
حسسهم إنك زيهم و و احد منهم لأن ده هيعلي من ثقتهم فيك جداً و هيتعاملوا معاك أكتر و أكتر
و دايماً رد عليهم في أسرع وقت و بلاش تجاهل
بس كده يا سيدي ، هو ده الـ Instagram SEO 😃
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing
صباح الخير ومتشكرة جدا على كم المعلومات والحرص على توصيل كل جديد .. سؤالي هل ممكن نعمل نفس خطوات seo مع صفحة عالفيس بوك بدل الويت صايت؟
تحت امر حضرتك