Blog
✅ إيه هو التسويق عن طريق الـ Influencers. ؟؟
التسويق عن طريق الـ Influencers هو نوع من أنواع التسويق واللي بيعتمد على إستخدام الـ Influencers
أو أصحاب الحسابات اللي بيكون عليها Followers كتير علي الـ Social media
ومن خلالهم بتوصل الشركة رسالتهم للجمهور وده هيكون أفضل من وسائل التسويق التقليدية عشان تحصل علي مجموعة كبيرة من الجمهور
وفي الإستراتيجية ديه بيقوم الـ Influencer بصناعة محتوي جذاب يتكلم ليه عن المنتج أو الخدمة ويحكي تجربته بعد إستخدام الـ Brand ويحط تقييم عليه
أهمية الاستعانة بالـ Influencer ؟؟
التسويق عن طريق الـ Influencers بيعمل دمج بين أتنين من أدوات التسويق المهمة
وهما التسويق بإستخدام الـ Social Media و التسويق بالمحتوي.. وأحيانا التسويق بالمدح.. غير إن التطور التكنولوجي ليه دور مهم
و بيقدم دعم كبير جداً في مجال زي ده
غير كمان إستخدام محتوي الـ video بيكون مؤثر جداً وبيخلي الجمهور يتفاعل مع المنتج ورفع معدلات البيع عشان الـ Videos بتزود الثقة عند الجمهور بالـ Brand
طب إيه هما أنواع الـ Influencers ؟؟
تقدر تصنف أنواع الـ Influencers لـ 3 أنواع
✅ النجوم المشاهير أو الشخصيات العامة ” Mega Influencers “
دول عندهم متابعين كتير جداً زي نجوم الفت و المشاهير في مختلف المجالات زي Cristiano Ronaldo و محمد صلاح ونجوم الفن
ودول بيتميزوا بأنهم عدد متابعينهم كبير جداً بجانب المستوي العالي من الإحترافية و احتمالية إنهم يكون عندهم متابعين مزيفين بتكون قليلة جداً
بس عيب الـ Mega Influencers إن تكاليفها غالية جداً
علي سبيل المثال النجم العالمي Cristiano Ronaldo نجم في المجال ده وعمل حملات تسويقية كتير جداً
منها طبعا الحملة الإعلانية إللي عملها مع “Nike ” وهو يعتبر واحد من تلاتة رياضيين بس اللي ليهم صفقة مدي الحياة مع Nike
✅ المؤثر المشهور علي شبكات التواصل ” Macro – Influencers ”
دول بيكونوا ناس عندهم عدد متابعين كتير آوي ممكن يوصل لمليون متابع
وبيكونوا في الغالب أشخاص عاديين بيكونوا مميزين في مجالات معينة زي
السفر مثلا أو الموضة أو ليهم موهبة التصوير أو الرسم
وعرفوا يحققوا شهرة من خلال المجالات ديه على كل الـ Platforms علي الـ Social media
تقدر نعتبرهم محترفين تسويق.. لكن الاعتماد عليهم في الحملات ممكن مايناسبش الشركات الناشئة بسبب أسعارهم العالية
✅ المؤثر الصغير ” Micro – Influencers ”
صناع المحتوي والـ Bloggers والـ YouTubers واللي بيتخطي عدد متابعينهم الـ 10000
وتعتبر أكبر ميزة فيهم إن سعرهم قليل وتناسب كل الشركات وبرغم قلة المتابعين بس ليهم معدلات عالية جداً في مشاركة الجمهور ونتفاعل مستمر
وده اللي بيعمل الثقة المتبادلة بين المؤثر والمتابع
وبيتيح التعاون مع النوع ده من المؤثرين للشركات إنهم يستهدفوا شريحة معينة من الجمهور وبالتالي بيكثفوا جهدهم التسويقي عشان يوصلوا المستهلكين و المستخدمين
لكن العيب الأساسي هو إنخفاض مستوي رؤية التأثير المباشر على المبيعات
أو النتائج المباشرة وعشان كده.. لازم تهتم بالمراقبة عشان تحدد مدي نجاح الإستراتيجية ديع وتحقق هدف حملتك
✅ إزاي نختار الـ Influencer المناسب ؟؟
1- أهداف حملتك
إنك تحدد أعراض الحملة الإعلانية ده المفتاح رئيسي لإختيار الـ Influencer المناسب
ومن أشهر حملات التسويق المؤثر أربع أهداف.. ” دعوة العملاء – التذكير بالـ Brand – زيادة المتابعين – رفع معدلات المبيعات “
2- السمعة
لازم يكون المعيار الأول هو سمعته الإيجابية واستجابة الجمهور وتفاعلهم معاه سواء على الـ Social media أو على الحقيقة
عشان السمعة الكويسة بتكون متعلقة بالمصداقية والشفافية
لازم تتأكد إنهم عندهم متابعين حقيقيين ولو عايز تتأكد شوف عدد المتابعين وعدد التفاعل ونسب المشاركة الفعلية
3- هل شغل الـ Influencer جائز قانونياً. ؟؟
في بعض الدول تعتبر ممارسة أي نشاط بيجيب ربح مادي أو منتجات وخدمات مجانية هو عمل تجاري ليه آثار قانونية
لازم ياخد ترخيص من السلطات المختصة وفقاً للقوانين المحلية و المتطلبات القانونية
عشان يقدر يروج لأي منتج داخل البلاد عشان يوفر علي نفسه المشاكل والتعب والشكاوي القانونية
4- الميزانية
بتتميز كل فئة من الـ Influencers بتكاليف مختلفة على حسب عدد الـ Followers وشخصيته وبالتالي إذا كان ليك ميزانية مفتوحة أو كبيرة ممكن تعتمد علي الـ Mega أو الـ Macro Influencer
لو إنا لسه في بداية مشروعك يبقي لازم تركز علي الـ Micro Influencer
عشان توفر فلوس ومع الوقت تقدر تطور من نفسك وتتفق مع مؤثرين أقوي
✅ إيه أهمية اختيار المؤثر المناسب ؟؟
اختيارك المؤثر الأمثل.. مع تقديم محتوي مناسب هيبعدك من فشل حملتك
علي سبيل المثال الحملة الإعلانية اللي عملتها شركة Pepsi
واللي استعانت فيها بعارضة الأزياء الأمريكية ” كيندال جينر ”
واللي اثارت جدل كبير جدا علي مواقع الـ Social Media واتعرضت لهجوم كبير انتهي بسحب الإعلان
✅ إزاي هيكون المقابل ؟؟
في أكتر من طريقة الدفع مقابل خدمة الـ Influencer منها مثلا العملة مقابل بيع المنتج عن طريق نشره علي صفحاته الخاصة
وفي طريقة تانية وهي العينات المجانية اللي بياخدها مقابل الإعلان عن المنتجات أو عن طريق نظام تكلفة المرة الواحدة
وهنا بيتحدد المبلغ المطلوب بناء على عدد الـ Shares و الـ Likes والـ Comments
وطبعا تضمين وسيلة الدفع بعقد
✅ الحقوق الفكرية للمحتوي ؟؟
مين هو اللي هيبتكر المحتوي الدعائي. ؟؟ المعلن ولا المؤثر. ؟؟ عشان ده بيتحكم في شكل المحتوي ومواعيد نشره أو المدة اللي هيفضل فيها على الـ Social media
غير إنك لازم تاخد إذنه لو عايز تستغل المحتوي ونفس الكلام برضو على الـ Influencer إنه ياخد إذنك قبل ما ينزل المحتوي
✅ إيه هي الطريقة اللي تنهي بيها التعاقد ؟؟
دايما بتكون الامور بتمشي كويس بس برضو لازم نحط احتمالات لكل حاجة
على سبيل المثال لو المؤثر ماحققش النتيجة المطلوبة أو عمل ضرر بالمنتج الخاص بيك أو أمل بشرط من الشروط اللي موجودة في العقد
عشان كده لازم تدون موقفك القانوني
دايماً استراتيجيات التسويق بتتطور بإستمرار عن طريق التكنولوجيا وعشان كده لازم تكون مواكب التطورات ديه بإستمرار وكمان تدور عليها
عشان تقدر تختار الملائم ليها والاكتر فاعلية بالنسبة ليك ولمنتجاتك
ويعتبر التسويق عن طريق الـ Influencers من أجدد الإتجاهات التسويقية والاكتر فاعلية وعشان كده لازم تكون حريص على اختيار الحملة المناسبة
و المؤثر المناسب
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing