Blog
الفرق بين الـ Inbound Marketing و الـ Outbound Marketing
- January 1, 2022
- Posted by: admin
- Category: Uncategorized
تعرف إيه هو الفرق بين الـ Inbound Marketing و الـ Outbound Marketing ؟
ممكن تكون عارف بس المصطلحات جديدة عليك مش أكتر … علشان كده تعالي ندردش شوية في الفرق بينهم و نعرف كل واحد فيهم بيتكلم عن إيه
الـ Inbound Marketing هو أساس الـ Digital Marketing لإن ببساطة هو التسويق من خلال الـ Social Media أو من خلال الـ Internet بصورة عامة
و إللي من خلاله بيتعمل إستراتيجية معينة مدروسة بدقة .. من خلالها تقدر تعرض و تبيع منتجك أو خدمتك للعملاء المستهدفين و إللي طبعاً مهتمين بمنتجك أو مجالك عامةً
و من صورة الـ Inbound Marketing الـ Facebook Ads و Google Ads و الـ Blogs و صور تانية كتير
و تعرف إن 63% من المستهلكين بيعملوا Search علي الـ Internet علي منتجات أو خدمات تلبي إحتياجاتهم .. علشان كده الـ Inbound Marketing مهم جداً و سر نجاح شركات كتير زي ما قولتلك
طيب إيه هي مراحل االـ Inbound Marketing ؟
1- جذب الإنتباه
أول حاجة تعملها في المرحلة إنك تكون متواجد علي الـ Social Media
و في المرحلة دي إنت مش هدفك البيع … إنت هدفك الأول و الأخير هو جذب إنتباه العملاء
بمعني أصح إنت بتقولهم إن إنت موجود وتقدم لهم معلومات أو بتثقفهم في مجالك إللي هم أصلاً مهتمين بيه … و دي خطوة هتخليهم مهتمين بيك و متابعينك و عايزين يعرفوا أكتر
لإن الناس بتحب إللي يضيف لهم و يزود من معلوماتهم
2- مرحلة التحويل
و إللي فيها بتحول العميل من متفرج أو زائر لمشتري عايز ياخد Action معاك
و ده عن طريق الـ Content إللي بتقدمه و إللي من خلاله بتخليه متشوق لمنتجك أو خدمتك
علشان كده لازم يكون الـ Content إللي بتقدمه تشويقي و سهل علي العميل مش معقد
و من الحاجات المهمة في الـ Content هي الـ Call To Action
و إللي فيها بتعرض للعميل طرق التواصل معاك سواء من أرقام تليفونات أو Whatsapp أو من خلال زيارة ليه علي الـ Website بتاعك أو أياً كانت الطريقة
بس المهم فيها إنها تكون ملفتة للعميل و تسهل عليه طرق التواصل معاك
3- مرحلة الإغلاق
و هنا العميل قرر ياخد معاك الـ Action و يتواصل معاك … بس مش معني كده إنك خلاص ضمنته و إنه إشتري منك … لإنه ممكن بكل سهولة يرجع في كلامه
عللشان كده إنت في المرحلة دي بتحاول تقفل عليه بكل الطرق إللي ماتخليهوش يرجع في كلامه أو يمشي
و ده من خلال الطريقة إللي بتكلمه بيها … لازم تحسسه إنه مش مجرد عميل و إنه مش في Interview مثلاً
لازم تكون المحادثة مابينك و بينه Friendly و لازم ترضيه بأي طريقة
4- و أخيراً … مرحلة البهجة
إنت مش لواحدك في السوق إللي بتقدم المنتج أو الخدمة دي
علشان كده لازم تعرف العميل إيه إللي بيميزك عن غيرك و ليه هو المفروض يختارك إنت و مايخترش غيرك
و ده عن طريق إنك توريه مميزاتك إللي بتقدمهاله … و العروض إللي بتقدمهاله بس علشان ترضيه و تفرحه
و دايماً قربه منك و شاركه مواضيعه الشخصية .. أو بمعني آخر هو ليه محتاج المنتج ده أو الخدمة دي … إيه إللي حصل خلاه يبقي في حاجة للمنتج ده
و ده مش عيب علي فكرة لإن ده هيقربه أكتر ليك و مش هيحس إنه مجرد عميل و إن إنت محتاجه بس علشان يشتري و يدفع فلوس
طيب إيه هو الـ Outbound Marketing ؟
الـ Outbound Marketing هو التسويق التقليدي إللي كلنا عارفينه
زي مثلاً الإعلانات إللي بتشوفها في التلفزيون و الـ Banners إللي بتشوفها في الطرق و الشوارع و الإعلانات إللي بتسمعها في الراديو و إللي بتشوفها في الصحف
و الـ Outbound Marketing بيعتمد علي مبدأ معين و هو إن كل ما زاد عدد الـ Group إللي بيشوف الإعلان كل ما زاد فرصة البيع أو العائد
و ده طبعاً مش دقيق زي الـ Inbound Marketing … لإن الـ Inbound Marketing بيعتمد أكتر علي إستهداف الشريحة المناسبة للمنتج أو الخدمة .. و الإعلان بيوصل للعميل الصح المهتم
علي عكس الـ Outbound Marketing و إللي مابيهتمش بالإستهداف أكتر من إنه بيهتم بعدد إللي هيشوفوا الإعلان … و كل ما العدد زاد كل ما العائد زاد
طيب إيه فوائد الـ Outbound Marketing ؟
1- بيخلي ناس كتير سواء مهتمة بمجالك أو مش مهتمة بمجالك تشوفك و تفتكرك … لإنه بيعتمد في شغله علي الـ Awareness
2- إن ممكن ناس كتير تاخد Action معاك و يتواصلوا معاك علشان يشتروا منك … و ده لإنه ليه جمهوره و في ناس كتير بتتصل بالإعلانات إللي في التلفزيون و بتاخد الـ Action دي
3-ناس كتير بيثقوا في الإعلانات إللي في التلفزيون أو إللي في الشارع عن الإعلانات إللي بتجيلهم علي الـ Social Media … فبالتالي فرصة الثقة فيك بتزيد
و ده كان الفرق بين الـ Inbound Marketing و الـ Outbound Marketing في صورة بسيطة و سهلة و مختصرة
تابعنا علشان تعرف كل جديد
[…] تعرف أكتر عن الـ Inbound Marketing و الـ Outbound Marketing من خلال الـ Blog Post […]
[…] و ده عن طريق مراحل معينة و مرتبة بيمر بيها العميل مع الـ Inbound Marketing تقدر تعرفهم من خلال المقالة دي […]