Blog
الـ Marketing Plan و أهميتها
هي استراتيجية بتنظم جهودك التسويقية الشاملة عشان تقدر تحقق أهدافك في جدول زمني محدد.
والخطة التسويقية بتشمل تحليل الوضع التسويقي والتوقعات للمبيعات وميزانيات التسويق وغيرها.
وخطة التسويق تعتبر هي الوثيقة التشغيليه اللي بتحدد استراتيجة الإعلان اللي هتنفذها الشركة.
اللي بتحطها علشان توصل الشركة لأهدافها التسويقية وجذب العملاء المحتملين والحاليين.
وازاي تقنعهم أنهم يشتروا الحاجة او المنتج اللي بيقدمه الـ Brand بتاعك, وكمان بتساعدك تعرف
الوضع التسويقي الحالي لشركتك وعدد منافسيك ووضعك بينهم.
أهمية الخطة التسويقية:
الغرض الأساسي من الخطة التسويقية أنك تعرف تحدد ازاي تبيع منتجاتك أو الخدمات للمستهلكين.
وأهمية الخطة التسويقية بيكون في وضع خطة محكمة واستراتيجات مناسبة تساعدك للوصول لهدفك.
خطط واستراتيجيات التسويق مهمه عشان تخلي مبيعاتك أسهل وأكثر ذكاءً, وده لأن استهداف العميل المناسب
بيؤدي لتخقيض التكاليف التسويقيه وزيادة تحويل العميل المحتمل للعميل الفعلي للشركة.
خطوات عمل الـ Marketing Plan:
1_ الملخص التنفيذي
ده بيكون عبارة عن ملخص ونظرة شاملة عن الخطة التسويقية.
2_ وصف العمل
في الجزء ده بتبدأ تعرض طبيعة النشاط التجاري وموقعه, اسماء الشركات, الوضع الحالي للشركة
القيم الاساسيه والبيانات المهمه للشركة, العوامل الخارجية اللي ممكن تأثر عليها حالياً او في المستقبل.
3_السوق المستهدف
في الجزء ده بتعرض كل اللي بيخص عملائك المحتملين اللي الشركة بتسعي لأستهدافهم.
4_ عرض البيع الفريد
بتوضح في الجزء ده اللي شركة ممكن تحصل عليه من ميزه تنافسيه في السوق
5_ تحليل SWOT والمنافسين
ده بيتعرض فيه نقاط القوة والضعف للشركة والفرص المتاحه والتهديدات اللي ممكن تواجهها وتقارن ده مع الشركات المنافسه.
6_الأهداف
بتشمل الأهداف التسويقيه للسنه الجايه ولازم تكون اهداف واقعيه وقابله للتنفيذ.
7_ استراتيجات التسويق
بيوضح فيه الاستراتيجيه اللازمة للتحقيق الأهداف وكمان بيكون فيها معلومات مفصله عن المنتج
أو الخدمة اللي عايز تبيعها وطرق تسويقها والإعلان عنها.
8_ خطة التوزيع والتوصيل
هنا الشركة بتحدد ازاي الشركة هتبيع وتوصل المنتج للمستهلكين
9_الميزانية
هنا بيتم توضيح تكاليف المنتج او الخدمه والفايدة منها وازاي نزود المبيعات والإيرادات.
_ وعشان تضمن ان الخطة التسويقيه تكون ناجحه لازم تتوفر فيها 5 حاجات:
1_ التخطيط يكون بسيط.
2_ التخطيط مفيد ومفهوم للكل.
3_لازم تكون مرنه وقابله للتغير والتكيف.
4_ لازم تكون خطة دقيقه وبتعتمد علي معلومات موثوقه مش تنبؤات.
5_لازم تخلي الموظفين والإدرايين عندهم الحماس والحافز اللي يخليهم ينفذوها.
تابعنا علي موقعنا الالكتروني:
أو من خلال صفحتنا علي الفيسبوك: