Blog
ايه هو الـ B2A ؟؟
الـ B2A هو اختصار لعبارة Business–to–Administration وبيدل على العلاقات التجارية اللي بين السلطات والشركات
ويعتبر نوع من انواع الـ E-Commerce ولكن مش الاكتر شهرة زي الـ B2B و الـ B2C والـ C2C
ولكن بيتم التعامل بيه
تعالوا نعرف مع بعض ايه هو الـ B2A ؟؟
✅ طبيعة العمل
الـ B2A زي ماقولنا قبل كده هو العلاقة التجارية بين المصالح الحكومية والشركات
بحيث انها بتشتغل على مبدأ موحد وهو تقديم السلع والخدمات للجهات الحكومية
أما طبيعة ممارسة الشركة الخاصة للأعمال التجارية
فبتكون عبارة عن تحدي بيتمثل في قدرتها على الفوز بمناقصة مع أحد الجهات الحكومية لعقد مدته الزمنية طويلة.
✅ سيناريوهات الـ B2A
في انواع كتير جداً ممكن نختصرها في ..
1- شراء المنتجات والخدمات
وهو يعتبر الشكل التقليدي والمعروف عن B2A
بحيث أن السلطات بتطلب شراء المنتجات والخدمات من الشركات الخاصة بكميات كبيرة
زي مثلاً المنتجات التكنولوجية
2- معالجة البيانات عن طريق الـ Internet
بيتميز الـ B2A بطابع الخدمة بحيث انه بيقدم خدمات متنوعة على الموقع الرسمي الخاص وإتاحة الفرصة لتحميل المستندات والتطبيقات المهمة وغالباً ما بتتبعت بشكل مباشر للإدارة مباشرةً
3- الضغط
والمقصود بيه هنا الأساليب والأفعال اللي بتقوم بيه الشركات زي مثلاً البيانات الصحفية والحملات الإعلانية للتأثير في القرارات السياسية وده بيتوافق مع مصالحها وتوجّهاتها.
4- شراكة القطاع العام والخاص
وديه بتكون معروفة تحت اختصار (PPP) وبتقوم على فكرة التعاون بين الدولة بوصفها ممثلة لهيئة المقاولات العامة والشركة وده لتنفيذ مشاريع تجارية ناجحة،
ولكن السؤال هنا .. ايه هو شكل التعاون بين القطاعين؟!
مفيش شكل واحد للتعاون بين الدولة والشركات وده بيرجع لسبب أن الاتفاق على بنود العقد مش بتاخد نمط واحدا
ولكن بتيجي تبع لحاجة معينة لكل طرف
ولكن المهام بشكل عام بتتوزع على ضمان الشركة الخاصة و تقديم الخدمة على أكمل وجه وفي المقابل تلتزم السلطة بتحقيق الأهداف المشتركة.
✅ مزايا B2A
بتوفر مصدر دخل آمن ومضمون وثابت للشركات الخاصة
لأن طلب الإدارة العامة بشكل دائم للخدمات والمنتجات من الشركات ده لوحده كفيل بتوقيع عقد طويل الأمد يحقق المصلحة للطرفين.
بتقدم الشركات الخاصة خدمات متنوعة وفعالة في مجالات عديدة للإدارات العامة
من ضمن مدة محددة وجودة متفق عليها
على سبيل المثال في نوع شراكة بين القطاعين العام والخاص ممكن تنص الشراكة على توفير جميع خدمات البلدية للإدارة العامة
زي مثلاً تنظيف الشوارع وتأمين الماية والكهرباء و تنقية المدن من الزبالة المتراكمة وغيرها من الخدمات وافكار التسويق اللي بتجذب القطاع العام وتشجعه على عقد الشراكة معها.
تقدر تتابعنا علي مدونتنا أو علي صفحتنا علي الـ Facebook علشان تعرف كل إللي يفيدك في مجال الـ Digital Marketing