Blog
النهارده هكلمك عن مهارات البيع
كلنا عايزين ننجح وعايزين نبقي رقم واحد في السوق.. ب إيه إللي بيميز رقم واحد عن رقم آتنين عن رقم تلاتة ؟؟
إللي بيميزهم عن بعض حاجة إسمها.. مهارات البيع
تعالوا نتعرف علي 3 مراحل مستمرة في مهارات البيع من أول العميل لغاية الوصول لمرحلة التعاقد
1- إبني علاقة مع العميل
الكلمة أو الجملة ديه إنت سمعتها كتير جداً بس محدش يعرف مغزاها
في إجابة غلط بيقولوها البياعين لما يجوا يتسألوا السؤال ده
وهو إنهم بيدوروا على الشئ المشترك إللي يربطهم بالعميل
عشان يكون عندهم مهارات البيع علي سبيل المثال يكون من نفس المحافظة إللي منها البائع
لازم تظهر قدام العميل بمظهر قوي الشخصية وواثق من نفسك
ولازم يحس أنك بائع محترف وعارف كويس آوي بتبيع إزاي وانك حريص على مصلحته
وكمان تديله نصائح يستفيد منها قبل ما يشتري منك أي حاجة عشان يحس فعلا إنك بتفيده وخايف عليه
وخليك متأكد إن العميل مستحيل يشتري منك أي حاجة طول مانت مش علي دراية كاملة بالمنتج إللي إنت بتقدمه للناس
لإنه هيسألك أسئلة كتير مختصة بالمنتج الخاص بيك عشان كده لازم يكون عندك مهارات البيع
2- إنك تسمع العميل
كتير جدا بنقابل بائعين عندهم صيغة أو جملة ثابتة يقعدوا يكرروها كتير جداً كل مرة بيتعاملوا فيها مع عميل من غير مايبص العميل ده محتاج إيه بالظبط
فنشوف مثلا عميل اتصل بشركة بتقدم منتج معين فردوا عليه قسم المبيعات
فابدأ العميل بالسؤال عن المنتج وبمجرد انتهائه تقوم الموظفة بتاعة قسم المبيعات تقول الاسطوانة المحفوظة إللي بتبقي حافظاها لما تكلم أي عميل
من غير ما تسأل العميل سؤال واحد حتي وده إللي يخلي العميل طبعا يقفل السكة ويشوف شركة تانية تقدره وتعرف قيمته وتسمعه كويس جداً
من أهم خطوات مهارات البيع هو إنك تسمع العميل كويس وتعرف هو محتاج إيه
ولما يخلص كلام خالص أبدا في حل مشكلته الأول وبعدين أعرض عليه أي حاجة تآني
أهم حاجة يحس بالتقدير بإنك بتسمعه عشان المفروض إنك موجود هنا لخدمته وحل مشاكله مش عشان تفضل تقول كلام عشان تحاول تبيع
إنت كده مش بتبيع إنت كده بتخسر عميل
3- أتحكم في خط سير عملية البيع
سواء كنت بتكلم العميل عن طريق التليفون أو عن طريق البيع المباشر
مهارات البيع هي إنك ما تخليش العميل ياخدك في مسار تآني غير إنك تبيعله المنتج بتاعك
لأن لو حصل فرصتك في البيع هتقل وكمان هتضيع وقت كبير في كلام مالوش لازمة بالنسبالك كبائع
ولازم يكون عندك حتة إنك تقدر تفرق بين العميل اللي مهتم وعايز يشتري ويتفاعل معاك
وبين الشخص إللي مش عايز يشتري ويتفاعل معاك وجاي ياخد فكرة وخلاص
مابين كل 100 عميل في 50 عميل ممكن يتفاعلوا معاك منهم 25 عايزين يشتروا منك أنهاردة قبل بكرة
و 25 هيشتروا بعدين فـ ماينفعش تبذل مجهود وتحاول تقنع الـ 100 عميل
طب لو بذلت مجهود مع الـ 100 شخص ممكن يحصل إيه ؟؟
1- هتضيع وقتك ومجهودك
2- وعشان لذات مجهود مع عميل مش مهتم هيحسسك إنك محبط وإنك لا تصلح الشغل ده
3- هتبدأ تشك في المنتج بتاعك وتحس إنه مش قد كدة وانك لازم تطور منه
التطوير كويس آه بس لازم تكون واثق في نفسك وفي المنتج بتاعك ويكون عندك مهارات البيع وتعرف إن الشخص ده مش مهتم
طب ليه ماينفعش أبيع لكل العملاء. ؟؟
في 3 شروط لازم تكون موجودة في العميل عشان يشتري منك المنتج الخاص بيك
1- إنه محتاج المنتج ده زي واحد بيروح شغله مواصلات فـ محتاج يشتري عربية
2- إنه عايز يشتري … زي إنه ممكن يكون محتاج يشتري عربية بس هو مبسوط في المواصلات
3- إنه يقدر يدفع تمنها زي إنه محتاج عربية وعايز يشتريها عشان تعب من المواصلات بس مش معاه فلوسها
عشان كدة زي ماقولتلك 25 بس إللي فيهم كل الشروط ديه عشان كده لازم يكون عندك مهارات البيع وماتبذلش مجهود مع الـ 100
في حاجة كمان بتحصل مع العميل اللي بيبقي مش عنده إحتياج للمنتج بس معاه فلوس وإللي للأسف بيلجأوا ليها بعض البائعين
إنه يقنعه ياخد المنتج وبعد فترة العميل بيكتشف إنه مش محتاج المنتج ده و بيضايق وبيحصل حاجة من آلأتنين
يأما يجي ويتخانق معاك عشان يرجع المنتج … يأما يطلع عليك سمعة مش كويسة في سوق العمل المختص بيك وعشان كدة اوعي تعمل حاجة زي ديه
من الأخر … لازم تاخد بالك من النسب ديه عشان ما تفقدش الثقة فيك وفي المنتج بتاعك وخليك متأكد إنك مستحيل إنك تبيع لأي شخص كدة وخلاص لازم تعرف هل فعلاً محتاج المنتج ده ولا لا.. خلي عندك مهارات البيع